Prindër dialogoni me fëmijën, mos e merrni në pyetje. Edhe ju po t’ju marrin në pyetje ndiheni keq, pse e bëni këtë gjë me fëmijën tuaj?

Dialogu është mënyra më e mirë e komunikimit për njerëzit. Edhe me fëmijën duhet të komunikojmë e ndërtojmë marrëdhënie vetëm nëpërmjet dialogut.

Dialogu fuqizon besimin te fëmija dhe falë tij, fëmija e ka me te lehtë të aktivizojë potencialët drejt auto-realizimit. Kur dialogu zhvillohet nëpërmjet gjykimit dhe krahasimit, atëherë dialogu prishet dhe kthehet në marrje në pyetje. Kur biseda merr këtë “rrugë”, fëmija bëhet konfuz dhe e pushton pasiguria së bashku me harresën, të cilat ushqejnë frikën në mënyrë të habitshme. Për pasojë, bisedat me prindin kthehet në vuajtje, e cila pushton shpirtin, dhe nuk le vend për gëzimin.

Kështu, me shumë gjasa, do të instalohet dilema, po vuan apo po jeton. Dilemat kanë vetinë që po u instaluan, lenë gjurmë në psikën e fëmijës dhe natyrisht kjo gjurmë nuk është për mirë./living.al